AF222a: 27r

evde ne‑qadar sıçan var‑ise qaça gide ve at dişini oġlancıq boynına daqsalar dişleri // zaḥmetsiz bite nevʿ‑i dīger fāʾide bir kimesneʾi at ṭırnaġuñ [!] başı altına qoya aġır baṣmaya ve boz // atuñ ṭırnaġuñ [!] tütsi ėtseler evde pire qalmıya fāʾide bir kişinüñ bir nesnesi uġurlansa // bunı etmege yaza yėdüre kim uġurladıysa qarnı şişe mücerrebdür duʿā budur aʿūḏu bi‑llāhi // mina š‑šayṭāni r‑raǧīmi bi‑smi llāhi r‑raḥmāni r‑raḥīmi ‖ yataǧarraʿuhu wa‑lā yakādu yusīġhu wa‑(lā) // yāʾtīhi l‑mawta [!] min kulli makānin wa‑mā huwa bi‑mayyitin wa‑min warāʾihī ʿaḏābun ġalīẓun inna // ladaynā ankālan wa‑ǧaḥīman wa‑ṭaʿāman zā ġuṣṣatin wa‑ʿaḏāban alīman lā‑ḥawla wa‑lā quwwata illā // bi‑llāhi l‑ʿalīyi l‑ʿaẓīmi fāʾide bir qaç kişinüñ ortasında bir nesne uġurlansa kim // alduġuñ [!] bilmeseler bu āyet yaza ol kişilerüñ adlarıyla bir pāre kāġıda yaza andan ṣoñra // bir pāre ḫamīre qoyup bir çanaq içine ṣu qoya ḥamīre [!] ber‑ā‑ber ola ṣuya dökeler kim // aldıysa anuñ adı ṣuya batmaya āyet budur * bi‑smi llāhi r‑raḥmāni r‑raḥīmi // wa‑iḏa (!) qultum (!) nafsan fa‑iddāraʾtum fīhā wa‑llāhu muḫriǧun mā kuntum taktumūna fāʾide eger kim // bir kimsenüñ her ne murādı olsa bu ismi sekiz yüz ile on sekiz kerre oqısa her ne murādı var‑ise // ḥāṣıl ola ġāyet ile mücerrebdür budur * bi‑smi llāhi r‑raḥmāni r‑raḥīmi salāmun qawlan min rabbi // raḥīmi * fāʾide bir kimsenüñ sigili olsa ölmiş adamuñ kemigini bulup üstine sürüp // ol sigilde qoyup bi‑ʿavni llāh qurtula nevʿ‑i dīger fāʾide bir kimesneʾi zehrli ḥayvān ṣoqsa // veyā zehr yėdürseler zümürrüd dėdükleri yeşil ṭaşdan iki arpa aġırınça saḥq ėdüp // içürseler bi‑iẕni llāhi taʿālā şifā bula ve ṣarʿa ulaşmış kimesne anı bāzūsına baġlayup getürse // her gīz [!] aña kār qılmaya ve yılan ve ʿaqreb andan qaçalar ve oġlan ṭoġurmaqdan bir ʿavret // ziyāde zaḥmet çekse ẕikr olınan ṭaşı ṣaġ uyluġına baġlasalar āsān vechle